Elin Qəhrəman Oğlu

Girdəni kəndinin şəhidi Kənan Axundovun xatirəsinə

Vətənin hər yerində,

Gəzir sözün,söhbətin,

Bir qəhrəman esgərdi

İgid,döyüşkən,mətin.

Elə bil nağıl idin

Səni güllələr dərdi.

Düşmənin iyrənc oyunu,

Səni ölümə verdi.

Gəzir ruhun Vətəni,

Əzir qəhər düşməni.

Qəhrəman adın daim,

Yaşadacaqdır səni.

Məhəbbətin yaşayır,

Doğma ,əziz elində.

"Qələbəyə az qalır"

Söyləmişdin dilindən.

Laçın bizi gözləyir,

And içib kəlmə kəsdin.

Füzulini alanda,

Cəbrayıla tələsdin.

Elin qəhrəman oğlu,

Büründün al bayrağa.

Şəhid kimi ucalıb,

Tapşırıldın torpağa

Ofelya Nəzərova

AYB və AJB nin üzvü

Qızıl qələm və Araz mukafatçısı,

5 kitab müəllifi